Telegram пачаў патрабаваць падпіску за доступ да ўліковага запісу?

Адзін з удзельнікаў форума паскардзіўся, што Telegram патрабуе набыць Premium, каб ён змог увайсці ў свой акаўнт: «Ён адмаўляецца дасылаць смс на мой нумар і просіць купіць падпіску, каб я мог аўтарызавацца? Што за лухта?..» — здзівіўся ён. І дадаў, што расчараваны такім «танным спосабам прымусіць карыстальнікаў» перайсці на падпіску.

Для юзера гэта стала шокам, бо іншых варыянтаў скінуць невядомы яму адрас электроннай пошты, які ён не прывязваў да акаўнта, не было. Каментатары падтрымалі топікстартара сваімі гісторыямі пра ігнор з боку мадэратараў, немагчымасць зайсці ва узламаныя акаўнты і іншыя праблемы.

Новае патрабаванне Telegram аргументуе высокім коштам адпраўкі аднаразовых смс-кодаў у краіне аўтара скаргі (меркавана, Індыя). Відавочна, падпіска дапамагла б мэсэнджару кампенсаваць выдаткі. Як варыянт ён прапанаваў юзеру папрасіць сяброў падарыць яму падпіску.

Нядаўна Telegram заняўся ўкараненнем штотыднёвай падпіскі, якая можа быць карыснай для карыстальнікаў з такіх краін. У такім выпадку і мэсэнджар, і юзер не страцяць шмат грошай.