Амерыканскія фізікі ўпершыню ў гісторыі атрымалі больш энергіі, чым выдаткавалі на тэрмаядзерны сінтэз

Ад 1950-х гадоў фізікі спрабуюць атрымаць больш энергіі, чым затрачваецца на запуск рэакцыі тэрмаядзернага сінтэзу. Гэта магло б стаць альтэрнатывай атамным электрастанцыям, якія працуюць за кошт расшчаплення атамаў, і вуглевадароднаму паліву.

Амерыканскія навукоўцы ўзнавілі інерцыйны кіраваны тэрмаядзерны сінтэз, які прадугледжвае апрамяненне маленькай порцыі вадароднай плазмы самым вялікім у свеце лазерам. На працягу двух тыдняў адбываліся рэакцыі сінтэзу ў нацыянальным комплексе National Ignition Facility (NIF).

Фізікам удалося згенераваць 2,5 мегаджоўлі энергіі, што амаль на 120% больш за выдаткаваныя лазерам 2,1 мегаджоўля. «Першапачатковыя даныя сведчаць пра яшчэ адзін паспяховы эксперымент у NIF. Аднак дакладныя даныя пра выйсце энергіі ўсё яшчэ ўдакладняюцца, і мы не можам пацвердзіць, што ў цяперашні час яна перавышае парогавае значэнне, — гаворыцца ў паведамленні Ліверморскай лабараторыі.