Tesla адкрыла свой першы рэстаран: кіно на паркоўцы і папкорн ад робата Optimus

Афіцыйнае адкрыццё ўстановы запланавана на 21 ліпеня, пакуль рэстаран працуе толькі для запрошаных гасцей. Першыя наведвальнікі — супрацоўнікі экстранных службаў Лос-Анджэлеса — ужо падзяліліся ўражаннямі ў сацсетках.

У меню — класічныя бургеры, хот-догі, бульба, курыныя крылцы і малочныя кактэйлі. Стравы падаюць у фірмовых скрынках у стылі Tesla Cybertruck.

Адна з галоўных «фішак» Tesla Diner — гуманоідны робат Optimus, які раздае попкорн. Заказаць ежу можна наўпрост з дысплэя аўтамабіля Tesla, а супрацоўнікі прынясуць заказ да машыны. Акрамя таго, гукавая дарожка фільма ў аўтакінатэатры будзе аўтаматычна трансліравацца ў салон электрамабіля.

«Каманда выканала выдатную працу, зрабіўшы гэтае месца адным з самых крутых у Лос-Анджэлесе», — напісаў Ілан Маск у X пасля асабістага візіту ў рэстаран.

Маск адзначае, што калі новы фармат стане паспяховым, аналагічныя ўстановы могуць з’явіцца ў буйнейшых гарадах свету. Аб планах адкрыць «рэтра-рэстаран з ролікамі і зарадкай для Tesla» бізнесмен упершыню заявіў яшчэ ў 2018 годзе.