Раней у гэтым годзе ў Tesla прайшлі самыя буйныя скарачэнні ў яе гісторыі. Пазней кампанія выдаліла больш за 3 тысячы вакантных пазіцый са свайго сайта, пакінуўшы толькі тры. Цяпер жа аўтавытворца шукае 800 новых супрацоўнікаў, заўважыў Bloomberg.
Раней у гэтым годзе ў Tesla прайшлі самыя буйныя скарачэнні ў яе гісторыі. Пазней кампанія выдаліла больш за 3 тысячы вакантных пазіцый са свайго сайта, пакінуўшы толькі тры. Цяпер жа аўтавытворца шукае 800 новых супрацоўнікаў, заўважыў Bloomberg.
Аб’явы паступова з’яўляліся на кар’ернай старонцы Tesla цягам апошніх тыдняў. Многія з іх — для спецыялістаў у АІ і робататэхніцы (напрыклад, 25 звязаныя з распрацоўкай аўтапілота, 30 — робата-гуманоіда Optimus), але гэтым не абмяжоўваюцца.
Як мяркуе выданне, Tesla спрабуе кампенсаваць недахоп супрацоўнікаў у кірунках, дзе, мабыць, перабрала са звальненнямі. Акрамя таго, склад вакансій адлюстроўвае прыярытэты гендырэктара Ілана Маска. Раней ён казаў, што цяпер больш бачыць Tesla як робататэхнічную і АІ-кампанію, чым як электрамабільную.
Публікацыя новых вакансій супала з ростам каціровак Tesla. За апошнія 14 гандлёвых дзён яе рынкавая капіталізацыя вырасла больш чым на $223 млрд.
У красавіку Маск абвясціў аб планах паменшыць штат Tesla на 10%. Але Bloomberg пісаў, што ў канчатковым выніку кампанія можа страціць да 20% супрацоўнікаў, якіх на пачатак года налічвалася 140 тысяч.
Рэлацыраваліся? Цяпер вы можаце каментаваць без верыфікацыі акаўнта.