Николай Чикишев 9 сакавіка 2023, 13:48

TikTok пабудуе тры вялікія дата-цэнтры ў Еўропе

Кампанія інвестуе 1,2 мільярда ў будаўніцтва дата-цэнтраў, якія будуць размешчаныя ў Еўропе.

Два дата-цэнтры адкрыюць у Дубліне і яшчэ адзін — у нарвежскім горадзе Хамар. Праект прызначаны для пераносу даных еўрапейскіх карыстальнікаў пачынаючы ад 2023 года. Кампанія плануе мінімізаваць перадачу інфармацыі з аднаго рэгіёна ў іншы і такім парадкам абараніць прыватнасць даных.

TikTok збіраецца захоўваць даныя ў тым жа рэгіёне, дзе знаходзяцца карыстальнікі, і скараціць доступ супрацоўнікаў да інфармацыі. Кампанія рэагуе на патрабаванні еўрапейскіх і амерыканскага рэгулятараў з нагоды бяспекі сэрвісу. Раней у ЗША, Канадзе і ЕС дзяржслужбоўцам забаранілі карыстацца сацсеткай.