TikTok загадаў супрацоўнікам пераязджаць бліжэй да офіса — або звольняць
У сярэдзіне студзеня TikTok папярэдзіў пра рызыку пазбавіцца працы некаторых амерыканскіх супрацоўнікаў, якія пражываюць занадта далёка ад сваіх офісаў, даведаўся The Information. Паведамленне было разасланае праз унутраную камунікацыйную сістэму Lark.
У сярэдзіне студзеня TikTok папярэдзіў пра рызыку пазбавіцца працы некаторых амерыканскіх супрацоўнікаў, якія пражываюць занадта далёка ад сваіх офісаў, даведаўся The Information. Паведамленне было разасланае праз унутраную камунікацыйную сістэму Lark.
Супрацоўнікам было сказана, што калі яны не пераедуць бліжэй, то іх чакае дысцыплінарнае спагнанне — аж да звальнення.
Тым, хто гэта ўжо зрабіў, каб пазбегнуць пакарання, трэба тэрмінова абнавіць хатні адрас у карпаратыўнай сістэме даных.
Tiktok працягвае патроху згортваць аддаленую працу. У мінулым ліпені кампанія абвясціла, што ад жніўня супрацоўнікам трэба будзе прысутнічаць у офісе мінімум два дні на тыдзень. Tiktok спасылаўся на неабходнасць цяснейшага ўзаемадзеяння паміж імі. Дагэтуль большасць супрацоўнікаў кітайскай кампаніі ў ЗША працавалі дыстанцыйна. Пазней дэдлайн перанеслі на 1 студзеня — да гэтага тэрміну людзям трэба было паспець пераехаць.
Вяртаюць супрацоўнікаў у офісы многія іншыя тэхналагічныя кампаніі, уключна з Twitter пасля прыходу Ілана Маска, Apple, Google, Uber і Microsoft. Многія з гэтых кампаній апошнім часам анансавалі масавыя скарачэнні штату. У TikTok іх пакуль не было.
Рэлацыраваліся? Цяпер вы можаце каментаваць без верыфікацыі акаўнта.