TikTok тэсціруе АІ-пошук у праграме

У выніках пошуку можа з’яўляцца фрагмент з вынікамі, згенераванымі АІ. Пры націсканні на іх адкрываецца новая старонка з разгорнутым адказам. У тлумачэнні сказана, што вынікі згенераваныя з выкарыстаннем ChatGPT і TikTok адлюстроўвае кантэнт, «калі лічыць яго рэлевантным для пошукавага запыту карыстальніка».

Цяпер функцыя абмежаваная, не ўсе запыты суправаджаюцца вынікамі генератыўнага пошуку. The Verge адзначае, што ў сэрвісу ёсць аналагічная функцыя, але яна не пазначаная інфармацыяй аб выкарыстанні АІ. Такім чынам TikTok спрабуе выкарыстоўваць звычку маладых карыстальнікаў, якія ўжываюць сэрвіс у якасці пашукавіка.

Відэаплатформа паступова пашырае магчымасці пошуку ўнутры праграмы. Летась TikTok пачаў тэсціраваць інтэграцыю пошуку Google на старонку вынікаў у праграме. Таксама сацсетка эксперыментавала з даданнем спасылак на «Вікіпедыю», IMDb і іншыя сайты.