Time назваў 100 самых уплывовых кампаній. Хто трапіў у рэйтынг?

У выданні падкрэслілі, што адбор заснаваны не на капіталізацыі, а на сукупнасці крытэрыяў: уплыў, інавацыі, амбіцыі і поспех. У 2025 годзе спіс папоўніўся як гігантамі (Meta, Amazon, Netflix, Huawei, ByteDance), так і хуткарослымі навічкамі: DeepSeek, Pop Mart, Anthropic, Scale AI, Anysphere, Duolingo і іншымі.

Сярод «Інаватараў»:

• Alibaba — за развіццё ШІ-мадэляў Qwen, якія канкуруюць з OpenAI і Meta;

• BYD — «новы кароль электрамабіляў», які абагнаў Tesla на масавым рынку;

• DeepL — за ШІ-перакладчык з падтрымкай 36 моў;

• EssilorLuxottica — за «разумныя акуляры» ў партнёрстве з Meta;

• Pano AI — за тэхналогіі ранняга выяўлення лясных пажараў з дапамогай ШІ і спадарожнікаў.

У катэгорыі «Разбуральнікі»:

• Waymo — лідар у галіне беспілотнікаў і робатаксі;

• DeepSeek — кітайскі распрацоўшчык мадэлі R1, параўнальнай з GPT-4 ад OpenAI;

• Pop Mart — стваральнік вірусных цацак Лабубу;

• Unitree Robotics — кітайскі вытворца гуманоідных робатаў;

• Scale AI — стартап у сферы генератыўнага ШІ, у які Meta інвеставала $14,3 млрд.

Сярод «Лідараў»:

• Duolingo — за маштабныя абнаўленні і адраджэнне маскота Дуа;

• Coursera — адукацыйная платформа з глабальным ахопам;

• LinkedIn, Anthropic, Hyundai, Cloudflare, Signal — за ўстойлівы рост, ШІ-распрацоўкі і культурны ўплыў.

У раздзеле «Тытаны»:

• OpenAI — стваральнік ChatGPT, ацэнены ў $300 млрд;

• Meta — за актыўнае ўкараненне ШІ ў сацсеткі;

• Netflix, Amazon, TSMC, Huawei, ByteDance, Arm — за дамінаванне ў сваіх галінах.

«Піянеры»:

• Qura — распрацоўшчык «разумных» кольцаў;

• Colossal Biosciences — кампанія, якая «адрадзіла» люта­ваўкоў у 2025 годзе;

• CRISPR Therapeutics, Function Health, Polymarket і інш.

Акрамя таго, Time упершыню ўручыў узнагароды TIME100 Companies Impact Awards за найбольшы прагрэс у ключавых напрамках:

• Google DeepMind — за ШІ-распрацоўкі;

• Vertex Pharmaceuticals — за дасягненні ў медыцыне;

• Schneider Electric — за ўстойлівыя энергасістэмы;

• Janngo Capital — за прасоўванне роўнасці;

• LEGO Group — за культурны ўплыў праз гульню.