TIOBE: C++ упершыню ў гісторыі абагнала C

C++ лічыцца палепшанай аб’ектна-арыентаванай версіяй С, тым не менш ёй спатрэбілася прыкладна 40 гадоў, каб стаць папулярнейшай за свайго папярэдніка. Таксама гэта самая высокая пазіцыя, якую С++ калі-небудзь займала ў TIOBE, а С, у сваю чаргу, ніколі не апускалася так нізка.

Ад 2011-га новыя стандарты С++ выходзяць кожныя тры гады. Хоць большасць кампілятараў і інжынераў не паспяваюць за такім тэмпам, пастаяннае ўдасканаленне мовы — яе вялікі плюс. Сярод галоўных пераваг С++ — прадукцыйнасць і маштабаванасць. Яна шырока выкарыстоўваецца, напрыклад, у праграмаванні ўбудавальных сістэм, геймдэве і распрацоўцы софту для трэйдынгу.

Акрамя гэтага, у чэрвені ўпершыню да 7 радка TIOBE дабраўся Go, а Rust — да 17-га. Якасна склад топавай дваццаткі за месяц не змяніўся.