Топ Cisco назваў два ключавыя навыкі праграмістаў у эпоху ШІ

У інтэрв’ю Business Insider Патэль прызнаў, што інструменты ШІ, такія як Codex ад OpenAI, які Cisco тэстуе для задач накшталт напісання кода і выпраўлення памылак, у найбліжэйшыя пяць гадоў змяншаць значэнне глыбокага ведання сінтаксісу праграмавання. Замест гэтага ён вылучыў дзве «вельмі недаацэненыя» кампетэнцыі, якія, на яго думку, будуць крытычна важнымі для распрацоўшчыкаў: кіраванне працоўнымі працэсамі ШІ-агентаў і генерацыя якасных ідэй.

У сучасных умовах шырокага распаўсюджвання ШІ праграмісты павінны ўмець каардынаваць узаемадзеянне злучаных паміж сабой агентаў ШІ дзеля эфектыўнага вырашэння складаных задач. Патэль адзначыў, што згодны з Лоры Кастыльё Мартынес з Salesforce, якая раней казала, што лепшыя менеджары ўмеюць граматна размеркаваць задачы паміж людзьмі і ШІ для дасягнення максімальнай прадукцыйнасці.

Другая кампетэнцыя — генерацыя ідэй — падкрэслівае важнасць крэатыўнасці, якая заўсёды неабходная ў працы, лічыць эксперт. Інструменты ШІ, такія як Codex, дазваляюць інжынерам сканцэнтравацца на інавацыях, а не на руціне. Патэль прагназуе, што ўжо хутка ШІ павялічыць прадукцыйнасць інжынераў у 10–50 разоў, скараціўшы час распрацоўкі прадуктаў з месяцаў да хвілін.