Трафік з пошуку Google на сайты рэзка падае, і ШІ не кампенсуе страты. Па дадзеных Chartbeat, якімі падзяліўся Axios, за апошні год пераходы з пошуку абваліліся па ўсім рынку, і мацней за ўсё пацярпелі невялікія выданні.
Трафік з пошуку Google на сайты рэзка падае, і ШІ не кампенсуе страты. Па дадзеных Chartbeat, якімі падзяліўся Axios, за апошні год пераходы з пошуку абваліліся па ўсім рынку, і мацней за ўсё пацярпелі невялікія выданні.
У невялікіх сайтаў рэферальны трафік з пошуку ўпаў на 60%, у сярэдніх — на 47%, у буйных — на 22%. У цэлым пошукавы трафік знізіўся на 34%, а з Google Discover — на 15%. Агульны трафік да сайтаў у 2025 годзе ў параўнанні з 2024 прасеў прыблізна на 6%.
ШІ-сэрвісы не закрываюць гэты разрыў. Пераходы з чат-ботаў, уключаючы ChatGPT, даюць менш за 1% усяго рэферальнага трафіку. Нават пры тым, што пераходы з ChatGPT за 2025 год выраслі больш чым на 200%.
Карыстальнікі часцей за ўсё заходзяць па ШІ-спасылках у медыя, але амаль не ўзаемадзейнічаюць з кантэнтам: такія пераходы выкарыстоўваюць у асноўным для праверкі фактаў. Паралельна расце роля альтэрнатыўных крыніц трафіку — пошты, аплікацый і месэнджараў.
Google з такімі ацэнкамі не згодна: у кампаніі заяўляюць, што агульны аб’ём арганічных пераходаў застаецца стабільным год да году, а якасць клікаў нават расце. Аднак на практыцы многія выданні, асабліва тэхналагічныя медыя, ужо фіксуюць рэзкае падзенне аўдыторыі — ажно да 80-90% за год. Трафік з пошуку Google на сайты кшталту The Verge, HowToGeek і розныя іншыя ўпаў за год на 85+%. Яшчэ мацней пацярпеў Digital Trends — у яго мінус 97%, а ў пачатку 2025 года выданне звольніла амаль усіх штатных супрацоўнікаў.
Релоцировались? Теперь вы можете комментировать без верификации аккаунта.