Трамп за дзень зарабіў на крыпце больш, чым на ўсёй нерухомасці
У мінулым кастрычніку платформа World Liberty Financial запусціла токен WLFI. Прыкладна чвэрць манет належыць прэзідэнту ЗША Дональду Трампу і яго сваякам, але да гэтага панядзелка абменьваць іх было нельга. 1 верасня кампанія правяла запуск лічбавай валюты, адкрыўшы магчымасць прадаваць і купляць яе на рынку. У гэты дзень сям’я Трампа зарабіла на WLFI больш за $6 млрд, а токен стаў самым каштоўным актывам у іх партфелі і абагнаў інвестыцыі ў нерухомасць, паведамляе Wall Street Journal.
У мінулым кастрычніку платформа World Liberty Financial запусціла токен WLFI. Прыкладна чвэрць манет належыць прэзідэнту ЗША Дональду Трампу і яго сваякам, але да гэтага панядзелка абменьваць іх было нельга. 1 верасня кампанія правяла запуск лічбавай валюты, адкрыўшы магчымасць прадаваць і купляць яе на рынку. У гэты дзень сям’я Трампа зарабіла на WLFI больш за $6 млрд, а токен стаў самым каштоўным актывам у іх партфелі і абагнаў інвестыцыі ў нерухомасць, паведамляе Wall Street Journal.
Выданне называе старт гандлю найбуйнейшым фінансавым поспехам сям'і прэзідэнта ЗША. Трамп з’яўляецца «ганаровым суўладальнікам» World Liberty Financial, тры яго сыны — заснавальнікамі.
Па дадзеных CoinMarketCap, капіталізацыя крыптавалюты Трампаў перавышала $6 млрд, але зараз знізілася да $5,62 млрд. У сусветным топе яна займае 27 месца, каштуе каля 23 цэнтаў.
Акрамя WLFI, перад інаўгурацыяй Трампа ў студзені яго каманда выпусціла мемныя токены TRUMP і MELANIA ў гонар яго жонкі. На працягу сутак яны ўвайшлі ў спіс найбуйнейшых крыптавалют па капіталізацыі.
Акрамя крыптавалюты, Трамп таксама займаецца нерухомасцю. Яго кампанія Trump Organization вядомая праектамі ў Нью-Ёрку, дзе пабудаваны хмарачосы Trump Tower, Trump World Tower і Trump Building, а таксама гатэль Grand Hyatt. Таксама кампаніі належаць плошчы ў Чыкага і Вашынгтоне, яна займалася праектаваннем і ўзвядзеннем аб’ектаў у Паўднёвай Карэі, Канадзе і ААЭ. Сярод іншых актываў Трампа — пляцоўкі для гольфа, турыстычныя зоны ў ЗША і іншых краінах.
Мінулы год стаў пераломным для ІТ: штучны інтэлект выйшаў за межы лабараторый і пачаў змяняць рынак працы, інфраструктуру і медыя-асяроддзе. Мы ўзгадалі самыя яскравыя і значныя падзеі ІТ-індустрыі, пра якія пісалі ў гэтым годзе.
Рэлацыраваліся? Цяпер вы можаце каментаваць без верыфікацыі акаўнта.