Прэзідэнт ЗША Дональд Трамп заявіў, што яго адміністрацыя патрабуе ад буйных ІТ-кампаній самастойна забяспечваць энергіяй свае дата-цэнтры — у тым ліку за кошт будаўніцтва ўласных электрастанцый. Аб гэтым ён сказаў падчас звароту да Кангрэса, піша Reuters.
Прэзідэнт ЗША Дональд Трамп заявіў, што яго адміністрацыя патрабуе ад буйных ІТ-кампаній самастойна забяспечваць энергіяй свае дата-цэнтры — у тым ліку за кошт будаўніцтва ўласных электрастанцый. Аб гэтым ён сказаў падчас звароту да Кангрэса, піша Reuters.
Па яго словах, такія меры павінны абараніць спажыўцоў ад росту тарыфаў на электраэнергію. Ціск на інфраструктуру ўзмацняецца на фоне хуткага росту колькасці дата-цэнтраў, перш за ўсё з-за развіцця ШІ, і ўжо выклікае супраціў жыхароў — праекты ўсё часцей крытыкуюць за павелічэнне кошту электрычнасці.
«Мы ўзгаднілі новае абавязальніцтва па абароне плацельшчыкаў. Мы кажам найбуйнейшым тэхналагічным кампаніям, што ў іх ёсць абавязак забяспечваць уласныя патрэбы ў энергіі», — заявіў Трамп.
Ён падкрэсліў, што існуючая энергасістэма не спраўляецца з растучай нагрузкай: «У нас старая энергасетка. Яна проста не вытрымае тых аб’ёмаў і той колькасці электраэнергіі, якія патрабуюцца. Таму я кажу ім: няхай будуюць свае станцыі. Яны будуць самі вырабляць электрычнасць. Гэта забяспечыць кампаніі энергіяй і адначасова знізіць цэны для вас».
Прэзідэнт не ўдакладніў, аб якіх менавіта кампаніях ідзе гаворка і як менавіта будуць рэалізаваны і кантралявацца гэтыя патрабаванні. Паводле крыніц Reuters, Белы дом плануе правесці сустрэчу з прадстаўнікамі індустрыі ў пачатку сакавіка, каб фармалізаваць ініцыятыву.
Адміністрацыя Трампа падтрымлівае паскоранае развіццё ШІ на фоне канкурэнцыі з Кітаем. Аднак хуткі рост дата-цэнтраў і іх уплыў на кошт электраэнергіі становяцца патэнцыйнай праблемай для рэспубліканцаў напярэдадні прамежкавых выбараў у лістападзе.
Тым часам найбуйнейшы аператар энергасістэмы краіны PJM Interconnection у студзені прадставіў план, паводле якога новыя буйныя спажыўцы энергіі павінны альбо падключаць да сеткі ўласныя генеруючыя магутнасці, альбо абмяжоўваць спажыванне ў перыяды пікавай нагрузкі.
Асобныя кампаніі дзейнічаюць праактыўна. Напрыклад, Anthropic і Microsoft аб’явілі ініцыятывы, якія павінны знізіць уплыў дата-цэнтраў на тарыфы для канчатковых карыстальнікаў.
Рэлацыраваліся? Цяпер вы можаце каментаваць без верыфікацыі акаўнта.
И свои планки памяти самим себе производить