У Кітаі назіраецца адзін з самых маштабных ростаў коштаў на смартфоны за апошнія гады. Яго справакаваў моцны дэфіцыт чыпаў памяці, выкліканы бумам ШІ і попытам на вылічальныя магутнасці, піша Nikkei Asia.
У Кітаі назіраецца адзін з самых маштабных ростаў коштаў на смартфоны за апошнія гады. Яго справакаваў моцны дэфіцыт чыпаў памяці, выкліканы бумам ШІ і попытам на вылічальныя магутнасці, піша Nikkei Asia.
Рост ужо прыкметны ў новых мадэлях. Напрыклад, Xiaomi Redmi K90 і iQOO 15 каштуюць на 100-600 юаняў ($14–87) даражэй сваіх папярэднікаў. У сярэднім сегменце некаторыя мадэлі падаражэлі да 20%. Паводле галіновых крыніц, Xiaomi, Oppo і Vivo рыхтуюць яшчэ адну хвалю павышэння коштаў. Бюджэтны брэнд Infinix падняў кошт свайго новага флагмана прыкладна да $750, тады як папярэдняя лінейка каштавала $500-600.
Мацней за ўсё рост коштаў б’е па бюджэтных смартфонах. У кітайскім рынку маржа і так нізкая, таму танныя прылады горш вытрымліваюць рост кошту памяці. Аналітыкі папярэджваюць, што частка невялікіх брэндаў можа наогул сысці з рынку, бо вытворцы чыпаў будуць аддаваць прыярытэт буйным кампаніям.
Першыя прыкметы ўжо ёсць. Meizu абвясціла аб прыпыненні распрацоўкі ўласных смартфонаў, а ўсе мадэлі тэлефонаў знікліз яе афіцыйнай крамы на Taobao — там цяпер прадаюцца толькі аксесуары.
Дадатковы ціск стварае Apple. Кампанія выпусціла больш даступны iPad Air з чыпам M4, а iPhone 17e каштуе ад 4449 юаняў ($645). У прэміум-сегменце кітайскага рынку Apple ўжо кантралюе больш за 70% прылад даражэйшых за 8000 юаняў.
Аналітыкі чакаюць, што брэнды часткова возьмуць рост выдаткаў на сябе і будуць змяняць характарыстыкі прылад, каб змякчыць падаражанне. Але ў сярэднім кошты ўсё роўна могуць вырасці прыкладна на 18%, а флагманскія мадэлі — больш чым на 30%. Пры гэтым карыстальнікі будуць мяняць тэлефоны радзей: цыкл абнаўлення можа павялічыцца з 28 да прыкладна 33 месяцаў.
Па прагнозах Counterpoint, сярэднія кошты на смартфоны ў Кітаі вырастуць на 15-25% ужо з сакавіка. А IDC чакае, што з-за дэфіцыту памяці рынак смартфонаў у Кітаі скароціцца на 13% у 2026 годзе — гэта можа стаць самым моцным падзеннем за ўсю гісторыю. Праблемы з пастаўкамі памяці, па ацэнках аналітыкаў, могуць працягвацца да канца 2026 года і нават у 2027-м.
Рэлацыраваліся? Цяпер вы можаце каментаваць без верыфікацыі акаўнта.