Цукерберг: ШІ зможа замяніць мідлоў ужо сёлета

У падкасце Joe Rogan Experience Цукерберг заявіў, што Meta і іншыя тэхналагічныя гіганты распрацоўваюць ШІ, здольны пісаць код на ўзроўні інжынера-мідла. Аднак абмежаванні ШІ, такія як перыядычныя «галюцынацыі», выклікаюць асцярогі.

Іншыя лідары тэхналагічнай галіны таксама робяць стаўку на патэнцыял ШІ. Генеральны дырэктар Y Combinator Гарры Тан адзначыў перавагі вайб-кодынгу, калі невялікія каманды выкарыстоўваюць вялікія моўныя мадэлі для стварэння аплікацый, якія раней патрабавалі дзясяткаў распрацоўшчыкаў.

Генеральны дырэктар Shopify Тобі Лютке патрабуе ад менеджараў абгрунтоўваць найм супрацоўнікаў, калі ШІ можа справіцца лепш. Сузаснавальнік Anthropic Дарыа Амадэй прагназуе, што ШІ зможа пісаць амаль увесь код на працягу года.

Генеральны дырэктар Google Сундар Пічаі паведаміў, што больш за 25% новага кода ў кампаніі генеруецца ШІ, што павышае эфектыўнасць. Кіраўнік Microsoft Сацья Надэла таксама заявіў пра трэць згенераванага кода ў кампаніі.

Даследчык ШІ з Кембрыджскага ўніверсітэта Гарры Ло лічыць, што празмерная залежнасць ад ШІ ў праграмаванні можа ўскладніць навучанне, адладку і прывесці да ўразлівасцяў у бяспецы без належнай праверкі кода.