Perplexity запускае венчурны фонд для стартапаў на ранніх стадыях

Большасць капіталу будзе ўнесеная партнёрамі. Аднак Perplexity выступіць якарным інвестарам фонду, уклаўшы частку сродкаў, якія прыцягнуў раней для ўласнага развіцця. У мінулым снежні стартап атрымаў $500 млн пры ацэнцы $9 млрд.

Фондам Perplexity будуць кіраваць генеральныя партнёры Кэлі Грацыядэй і Джаана Лі Шавяленка, якія ў 2018 годзе заснавалі фірму F7 Ventures. Ці будуць яны працягваць кіраваць F7, ці цалкам засяродзяцца на праекце Perplexity, незразумела.

У экасістэму Perplexity ўцягнута каля 80 тысяч распрацоўшчыкаў. Кампанія бачыць сваю патэнцыйную перавагу як інвестара дзякуючы наяўнасці інфармацыі аб тым, хто выкарыстоўвае яе API і хто найбольш актыўны, удакладніла крыніца выдання. Яна дадала, што ў новы фонд укладваюцца заснавальнікі і інвестары Perplexity, а частка ўкладанняў будзе ў выглядзе акцый кампаніі.

Інвестфонд для старттапаў OpenAI Startup Fund ёсць і ва ўпраўленні распрацоўшчыцы ChatGPT. Але ў адрозненне ад Perplexity яна не інвестуе ўласнага капіталу.