Twitter нарэшце перазапусціла падпіску Blue

Twitter Blue даступная карыстальнікам з ЗША, Канады, Аўстраліі, Новай Зеландыі і Вялікабрытаніі. Для атрымання падпіскі неабходна пацвердзіць свой нумар тэлефона. Для атрымання птушкі верыфікацыі профілю карыстальніка павінна быць не менш за 90 дзён.

У дзейных падпісчыкаў ёсць доступ да дадатковых функцый: рэдагаванне твітаў, запампоўка відэа ў 1080p, тэчкі закладак, новыя тэмы афармлення, наладжвальная панэль навігацыі і рэжым для чытання доўгіх трэдаў. Неўзабаве яны атрымаюць прыярытэт у пошуку, згадках і адказах.

Раней Ілан Маск заявіў пра планы ўвесці ў Twitter платную верыфікацыю і дадаць гэтую магчымасць у падпіску. Пасля пачатку тэставання функцыі ў сацсетцы з’явілася мноства парадыйных акаўнтаў з птушкай, опцыя афармлення падпіскі Blue знікла з праграмы сацсеткі.