Twitter выпусціць праграму для смарт-тэлевізараў

Уладальнік сацсеткі Ілан Маск заявіў у сваім твітары, што не збіраецца праглядаць гадзіннае відэа на смартфоне. Бізнэсовец разам з кіраўніком Twitter Ліндай Якарына правялі прэзентацыю для інвестараў, на якой паведамілі пра планы пашырэння відэакантэнту, а таксама пра пагадненні з кампаніямі і аўтарамі кантэнту.

Паводле даных Reuters, на долю вертыкальных відэа прыпадае каля 10% часу, якія карыстальнікі праводзяць на платформе. Таксама кіраўніцтва сацсеткі плануе прыцягваць спонсарскія сродкі і рэкламу на каналы папулярных блогераў. Раней Twitter паказаў новы спосаб манетызацыі кантэнту для верыфікаваных карыстальнікаў: аўтарам будуць плаціць за размяшчэнне рэкламы ў адказах.