Кіраўнік каманды распрацоўшчыкаў вырашыў высветліць, чаму яго кампанія месяцамі не можа знайсці новага супрацоўніка. Ён адправіў уласнае рэзюмэ пад выдуманым імем і атрымаў адмову ўсяго праз шэсць хвілін.
Кіраўнік каманды распрацоўшчыкаў вырашыў высветліць, чаму яго кампанія месяцамі не можа знайсці новага супрацоўніка. Ён адправіў уласнае рэзюмэ пад выдуманым імем і атрымаў адмову ўсяго праз шэсць хвілін.
Гісторыя з’явілася на Reddit і разышлася па сацсетках, піша Fast Company. Паводле аўтара паста, ягонай камандзе з дзевяці чалавек з красавіка быў патрэбны старшы спецыяліст. Аднак HR пастаянна скардзіўся на недахоп адпаведных кандыдатаў — большасць не праходзілі першапачатковы адбор.
Тады менеджар вырашыў праверыць сістэму самастойна. Ён стварыў новы паштовы адрас, змяніў імя і некаторыя даты ў рэзюмэ, пасля чаго адгукнуўся на вакансію, апісанне якой складаў сам.
Аўтаматычная адмова прыйшла праз шэсць хвілін. Прыкладна праз тыдзень кіраўнік высветліў магчымую прычыну: сістэма адбору шукала ў рэзюмэ дакладнае супадзенне з React.js, тады як ён указаў React. Гаворка пра адну і тую ж тэхналогію.
«Мы з красавіка адхілялі ўсіх адпаведных кандыдатаў праз знак прыпынку, а я сядзеў на штотыднёвых нарадах і слухаў, як цяжка знайсці спецыялістаў», — паскардзіўся аўтар.
Гісторыя выклікала бурнае абмеркаванне. Карыстальнікі Reddit раскрытыкавалі аўтаматычны адбор паводле ключавых словаў і HR-спецыялістаў, якія месяцамі не заўважалі праблему. Адзін з каментатараў выказаў здагадку, што нават Стыў Джобс не прайшоў бы сёння адбор у Apple без асабістага ўмяшання кіраўніцтва.
Релоцировались? Теперь вы можете комментировать без верификации аккаунта.