Платформу развівае брэнд BELINTERSAT, яна павінна паўнавартасна запрацаваць у 2027 годзе. Праект перш за ўсё арыентаваны на жыхароў невялікіх населеных пунктаў, дачных кааператываў, садовых таварыстваў ды іншых тэрыторый, дзе абмежаваныя магчымасці наземнай тэлекам-інфраструктуры, піша БЕЛТА.
«Асноўная наша задача — прадаставіць якасны тэлевізійны прадукт у любым рэгіёне Беларусі. Там, дзе няма магчымасці падключыць кабельнае тэлебачанне ці хуткі інтэрнэт, спадарожнікавая тэхналогія дазваляе эфектыўна вырашыць гэтую праблему», — расказаў кіраўнік праекта tuta TV, начальнік наземнага комплексу кіравання BELINTERSAT Алег Вінярскі.
Адной з галоўных асаблівасцей tuta TV стане фокус на айчынным кантэнце. У базавы пакет увойдуць агульнадаступныя беларускія каналы, а іх вяшчанне будзе ісці ў HD-якасці.
Але платформа не абмяжуецца толькі дзяржканаламі — іх разбавіць забаўляльны, кінематаграфічны, спартыўны, дзіцячы і музычны кантэнт. З замежных каналаў дададуць толькі тыя, якія афіцыйна дазволеныя да трансляцыі ў Беларусі.
Праект арыентаваўся на запыты аўдыторыі. Для фарміравання сеткі вяшчання распрацоўшчыкі правялі маштабнае даследаванне сярод жыхароў рэгіёнаў Беларусі. У будучыні пакет каналаў можа быць пашыраны на аснове рэгулярнага аналізу пераваг гледацкай аўдыторыі.
Праект базіруецца на рэсурсах нацыянальнага геастацыянарнага спадарожніка сувязі BELINTERSAT-1. З 2023 года кампанія распаўсюджвае агульнадаступны пакет тэлеканалаў для юрыдычных асоб і кабельных аператараў. Для працы з фізічнымі асобамі была створана новая праграмна-апаратная база: мадэрнізаваны тэлепорт, падрыхтаваны абанентскія прымачы і ўкаранёна сістэма ўмоўнага доступу (кадзіравання).
Для падключэння карыстальніку спатрэбяцца спадарожнікавая талерка і спецыяльная прыстаўка. Аформіць заяўку можна будзе праз асабісты кабінет, а атрымаць камплект абсталявання — праз партнёрскія сеткі або паштовую дастаўку.
Цяпер платформа праходзіць фінальнае абкатванне, каб сінхранізаваць працу софту, плацёжных сістэм і тэхпадтрамння да таго, як пачнуцца масавыя падключэнні. Падключыцца да tuta TV змогуць усе жадаючыя, у тымгарадскіх жыхароў, але прыярытэтам будуць рэгіёны са слабай наземнай інфраструктурай.
Рэлацыраваліся? Цяпер вы можаце каментаваць без верыфікацыі акаўнта.
А можно ли на видеобел сделать онлайн трансляцию всех каналов без ограничения по регионам и опубликовать видео-архив всех передач за последние 30 лет?