У Беларусі разглядаюць выкарыстанне спадарожнікавых тэхналогій сувязі разам з мабільным інтэрнэтам з аптавалакном. На гарызонце 2029–2030 гадоў будзе праведзены аналіз і прынята рашэнне па іх ужыванні. Пра гэта піша sb.by са спасылкай на першага намесніка міністра сувязі і інфарматызацыі Паўла Ткача.
У Беларусі разглядаюць выкарыстанне спадарожнікавых тэхналогій сувязі разам з мабільным інтэрнэтам з аптавалакном. На гарызонце 2029–2030 гадоў будзе праведзены аналіз і прынята рашэнне па іх ужыванні. Пра гэта піша sb.by са спасылкай на першага намесніка міністра сувязі і інфарматызацыі Паўла Ткача.
«Прадугледжваецца, што яны будуць выкарыстоўвацца там, дзе працаёмка, але неабходна хутка правесці сувязь. Мы вывучаем досвед расійскіх аператараў па іх нізкаарбітальных сістэмах. Калі на нашай тэрыторыі будзе разгорнута такая сетка, будзе рацыянальна і зручна, то мы разгледзім гэты варыянт. Гэта можа быць актуальна, напрыклад, для рэгіёнаў Палесся, дзе лясістая мясцовасць», — распавёў чыноўнік.
Таксама ў Мінсувязі вялікія планы па развіцці мабільнага інтэрнэту. Да канца пяцігодкі ў ведамстве хочуць дакладна разумець, дзе засталіся белыя плямы — месцы без сувязі — і як іх прыбраць: «Іх няшмат паводле нашых разлікаў. Мы ацэньвалі, што на такіх тэрыторыях будуць знаходзіцца каля 30 тысяч нашых грамадзян. Гэта самыя аддаленыя кропкі краіны, да якіх цяжка дайсці».
Паводле слоў Ткача, у бягучай пяцігодцы таксама зменіцца якасць доступу да мабільнага інтэрнэту ўздоўж рэспубліканскіх дарог. У плане на 2025 год прадугледжвалася палепшыць сувязь уздоўж трасы М-1, але аператары сутыкнуліся «з аб’ектыўнымі праблемамі»: «З-за тэхнічных абмежаванняў вельмі складана знайсці лакацыю паблізу дарогі, дзе можна было б размясціць вышку. Зараз выпрацоўваем універсальнае рашэнне, якое можна маштабаваць уздоўж трасы», — патлумачыў намеснік міністра.
Таксама да 2030 года плануецца на 99% ахапіць тэрыторыю Беларусі сеткай сотавай рухомай электрасувязі па тэхналогіі LTE. Сярэдняя хуткасць перадачы дадзеных у абласных цэнтрах і Мінску будзе на ўзроўні 135 Мбіт/с, у райцэнтрах, гарадах і гарадскіх паселішчах — 110 Мбіт/с, на астатняй тэрыторыі — 30 Мбіт/с.
У Мінсувязі таксама плануюць у два разы павялічыць ёмістасць мабільных сетак да 2030 года — усё з-за ШІ.
«Фактычна мы умоўна гатовыя і да двухкратнага павелічэння спажывання трафіку. За пяць гадоў можа таксама змяніцца выкарыстанне інтэрнэту. У свеце актыўна развіваецца прымяненне робатаў-дастаўшчыкаў, беспілотныя аўто, расце колькасць разумных прылад у кватэры. Таксама могуць з’явіцца новыя лічбавыя паслугі, напрыклад пашыраецца выкарыстанне датчыкаў кантролю стану перавозкі грузу. Таму інфраструктура заўжды павінна развівацца з апярэджваючымі тэмпамі», — адзначыў Павел Ткач.
Рэлацыраваліся? Цяпер вы можаце каментаваць без верыфікацыі акаўнта.
Да-ду-да-ду