У супрацоўнікаў Microsoft у ЗША цяпер неабмежаваны аплачвальны адпачынак

«Тое, як, калі і дзе мы працуем, кардынальна змянілася. І па меры нашай трансфармацыі заканамерным крокам стала ўдасканаліць нашую палітыку давання адпачынкаў, зрабіўшы яе гнутчэйшай», — адзначыла Хоган.

Новаўвядзенні набудуць моц 16 студзеня. Ад гэтага часу тым працаўнікам, якіх яны тычацца, будзе больш не трэба лічыць належныя дні адпачынку. Таксама ў Microsoft па-ранейшаму будуць давацца 10 выходных з нагоды дзяржаўных святаў, бальнічныя (гаворка вядзецца як пра фізічнае, так і псіхалагічнае здароўе), а таксама адгулы ў сувязі з выкананнем грамадзянскіх абавязкаў і стратай блізкіх. Тым, у каго засталіся нявыкарыстаныя дні адпачынку, у красавіку выплацяць грашовую кампенсацыю.

На працаўнікоў пагадзіннай аплаты і па-за межамі ЗША радасная навіна не распаўсюджваецца. Microsoft тлумачыць, што ў першым выпадку гэта складана рэалізаваць праз дзейнае ў краіне працоўнае заканадаўства, а ў другім — праз адрозненні правілаў давання адпачынкаў у розных юрысдыкцыях.

Microsoft не першая з тэхнагігантаў, хто ўвёў палітыку неабмежаваных адпачынкаў. Аналагічны падыход ужо дзейнічае ў Salesforce, LinkedIn, Oracle і Netflix.