У месенджары з’явілася падтрыманне інтэрактыўных паведамленняў на HTML, CSS і JavaScript. Яны дазваляюць запускаць гульні, калькулятары ды іншыя віджэты наўпрост у перапісцы, не адкрываючы асобных праграм.
У месенджары з’явілася падтрыманне інтэрактыўных паведамленняў на HTML, CSS і JavaScript. Яны дазваляюць запускаць гульні, калькулятары ды іншыя віджэты наўпрост у перапісцы, не адкрываючы асобных праграм.
У стабільнай версіі Telegram 13.2 запрацавала тэхналогія HTMLBubbles. Энтузіясты ўжо стварылі некалькі міні-гульняў, у тым «Ранэр», Monkenstein 3D і 2048. Таксама ў паведамленнях можна запускаць калькулятары, віджэты надвор’я, інтэрактыўныя апытанні і графікі.
Такія паведамленні могуць захоўваць дадзеныя паміж запускамі Telegram. Напрыклад, карыстальнік зможа працягнуць гульню з таго месца, дзе спыніўся.
Распрацоўшчыкі таксама тэстуюць узаемадзеянне віджэтаў з ботамі. Гэта дазволіць абнаўляць змест паведамлення без паўторнай адпраўкі або рэдагавання. Напрыклад, вынікі галасавання змогуць аўтаматычна мяняцца проста ў чаце.
Пры гэтым магчымасці HTMLBubbles абмежаваныя. Памер віджэта не перавышае 600 × 600 пікселяў, а аб’ём HTML, CSS і JavaScript — 32 КБ. Тэхналогія не падтрымлівае вонкавыя скрыпты, відэа, WebGL і прамыя сеткавыя запыты.
Для бяспечнага выканання кода Telegram распрацаваў ізаляванае асяроддзе WidgetSandbox на базе JavaScript-рухавіка QuickJS. Яе зыходны код апублікаваны на GitHub.
Релоцировались? Теперь вы можете комментировать без верификации аккаунта.