У «Вікіпедыі» рэдызайн — упершыню за 10 гадоў

Цяпер абноўлены інтэрфейс даступны ў англамоўнай версіі сайта і на 94% з 318 іншых моўных версій сайта на ПК. Дызайнеры палепшылі пошук, у якім сталі бачныя выявы з артыкулаў і кароткія апісанні. Таксама перапрацаваны змест, з якім стала зручней перамяшчацца паміж раздзеламі падчас чытання. Акрамя таго, абноўленыя інструменты для пераключэння паміж мовамі артыкулаў.

Зарэгістраваныя карыстальнікі будуць увесь час бачыць шапку: у ёй размешчаныя самыя папулярныя функцыі, напрыклад, змена мовы артыкула або захаванне ў абранае. «Вікімедыя» адзначыла, што ў рамках рэдызайну не выдалілі ніводнай функцыі, абнаўленні тэсціравалі больш за 30 груп валанцёраў з усяго свету.