Сацыяльная сетка X тэстуе асобную аплікацыю для абмену паведамленнямі X Chat. Бэта-версія праграмы для iOS ужо даступная абмежаванай колькасці карыстальнікаў праз платформу Apple TestFlight.
Сацыяльная сетка X тэстуе асобную аплікацыю для абмену паведамленнямі X Chat. Бэта-версія праграмы для iOS ужо даступная абмежаванай колькасці карыстальнікаў праз платформу Apple TestFlight.
Першапачаткова кампанія запрасіла каля 1 000 тэсціроўшчыкаў, аднак усе месцы ў праграме былі занятыя менш чым за дзве гадзіны. Пасля гэтага X пашырыла праграму да 5 000 удзельнікаў, каб сабраць больш водгукаў аб працы аплікацыі. «Апошнія некалькі месяцаў мы ціха распрацоўвалі асобную аплікацыю X Chat для iOS. Карыстайцеся, ламайце яе і дзяліцеся водгукамі», — напісаў дызайнер прадуктаў xAI Майкл Босуэл.
X Chat — гэта асобная версія раздзела асабістых паведамленняў у X. У лістападзе кампанія істотна перапрацавала сістэму, дадаўшы скразное шыфраванне, магчымасць рэдагаваць і выдаляць паведамленні, а таксама функцыю іх аўтаматычнага выдалення праз зададзены час. Карыстальнікі таксама могуць ствараць групавыя чаты, адпраўляць файлы і ўсталёўваць дадатковы пароль для доступу да перапіскі.
Just downloaded the standalone 𝕏 Chat app to test 😎
— Sawyer Merritt (@SawyerMerritt) March 3, 2026
Cool login screen pic.twitter.com/boXS082la0
Адной з ключавых асаблівасцяў сэрвісу з’яўляецца сістэма шыфравання. Раней Ілан Маск заяўляў, што X Chat выкарыстоўвае мадэль peer-to-peer шыфравання і з’яўляецца «найменш уразлівай сістэмай абмену паведамленнямі». Пры гэтым эксперты па бяспецы лічаць, што ўзровень абароны X Chat саступае спецыялізаваным месэнджарам накшталт Signal.
Першыя тэсціроўшчыкі ўжо пачалі публікаваць скрыншоты інтэрфейсу аплікацыі. Па іх словах, дызайн спалучае элементы асноўнай аплікацыі X і чат-бота Grok. Таксама паведамляецца, што чаты будуць сінхранізавацца паміж асобнай аплікацыяй, вэб-версіяй chat.x.com і асноўнай платформай X.
Релоцировались? Теперь вы можете комментировать без верификации аккаунта.