Навукоўцы злучылі мозг малпы з камп’ютарам, і яна змагла кіраваць рукой
Навукоўцы з Нанкайскага ўніверсітэта ўпершыню ў свеце правялі паспяховы эксперымент па падлучэнні інтэрвенцыйнага інтэрфейсу мозг-камп’ютар да мозга малпы.
У ходзе аперацыі навукоўцы без трэпанацыі чэрапа правялі датчыкі праз сасуды мозга і сагітальны сінус, дасягнуўшы маторнай кары мозга малпы. Датчыкі ідэнтыфікавалі і збіралі сігналы электраэнцэфалаграмы. З дапамогай аперацыі жывёла магла актыўна кіраваць рабатызаванай рукой.
Кітайскія навукоўцы выкарыстоўваюць метады эндаваскулярнай хірургіі, то-бок без умяшання скальпеля, а доступ да органаў ажыццяўляецца праз сасуды. Гэты спосаб менш траўматычны і больш бяспечны за той, які выкарыстоўвае амерыканская кампанія Neuralink. «Поспех першага выпрабавання на жывёлах — гэта прарыў ад нуля да адзінкі, але дасягненне поспеху ў клініцы — гэта працэс ад 1 да 100, таму нам яшчэ трэба прайсці доўгі шлях», — заявіў удзельнік эксперымента нейрахірург Ма Юнцзэ.
Читать на dev.by