Кампаніі ІКТ у 2024 упершыню нанялі больш супрацоўнікаў, чым звольнілі

За шэсць месяцаў кампаніі ІКТ звольнілі больш за 6,7 тысячы супрацоўнікаў — на траціну менш, чым за такі ж перыяд мінулага года (больш за 10 тыс.).

Пік звальненняў прыйшоўся на сакавік-красавік. За два месяцы кампаніі сектара «інфармацыя і сувязь» звольнілі больш за 2,5 тыс. чалавек. 

Верагодна, усплёск у статыстыцы звальненняў адбыўся ў сувязі з закрыццём офісаў вядомых кампаній, у прыватнасці, мабільных распрацоўшчыкаў Playtika і Apalon. Але ў маі–чэрвені звальненні пайшлі на спад. 

Найманне сёлета ў ІКТ расце. За шэсць месяцаў кампаніі ўзялі на працу 6,8 тысячы чалавек — на 25% больш, чым за такі ж перыяд мінулага года. Актыўна ў гэтым годзе наймаюць, у прыватнасці, расійскія кампаніі.