Звальненні ў ІТ рэзка запаволіліся ў красавіку

Як адзначае Dice, лічбы моцна адрозніваюцца ад месяца да месяца, асабліва калі тэхнагіганты накшталт Google і Meta адначасова звальняюць дзясяткі тысяч чалавек, і ў любы месяц могуць узляцець. У красавіку буйныя раўнды звальненняў правялі Dropbox (каля 500 чалавек), Lyft (больш за 1000) і Clubhouse (больш за палову штату).

У Revelio Labs палічылі, што амаль пятая частка (19,3%) усіх звольненых у ІТ-індустрыі за апошнія 12 месяцаў прыпадае на інжынераў софту. Далей ідуць рэкруцёры (4,6%), тэсціроўшчыкі (3,7%), продакт-менеджары (2,8%) і вэб-распрацоўшчыкі (2,3%).

Нягледзячы на буйныя звальненні, кампаніі працягваюць наймаць. 71% апытаных CompTIA эйчараў кажа, што іхнія кампаніі наймаюць для росту, 52% працягваюць закрываць незанятыя пазіцыі. Асабліва запатрабаваныя супрацоўнікі з перадавымі навыкамі, якія дапамогуць кампаніям заставацца канкурэнтаздольнымі.