Чэрвеньскі апдэйт: 97 беларусаў былі пазбаўлены ВНЖ у Літве з-за «пагрозы нацбяспецы». Яшчэ ў 303 выпадках дакумент не падоўжылі, у 121 — адмовілі ў выдачы.
Чэрвеньскі апдэйт: 97 беларусаў былі пазбаўлены ВНЖ у Літве з-за «пагрозы нацбяспецы». Яшчэ ў 303 выпадках дакумент не падоўжылі, у 121 — адмовілі ў выдачы.
Гэтыя лічбы са спасылкай на кіраўніка Дэпартамента міграцыі Эвеліну Гудзінскайтэ прыводзіць партал Lrt.lt. Такім чынам, агулам з пачатку года пагрозай нацбяспекі Літвы прызналі ўжо 521 грамадзяніна Беларусі.
Каментар Эвеліны Гудзінскайтэ з’явіўся ў публікацыі пра адну з беларусак, якой адмовілі ў падаўжэнні віда на жыхарства. У афіцыйным лісце з Дэпартамента міграцыі ёй паведамілі, што яна прызнана пагрозай нацыянальнай бяспецы. Прычынай адмовы, паводле словаў жанчыны, стала яе ранейшая праца сцюардэсай у «Белавія» ў 2014–2020 гадах і частыя паездкі ў Беларусь пасля эміграцыі (за час пражывання ў Літве яна пабывала там 20 разоў).
Беларуска пацвярджае, што часта ездзіла ў Беларусь, але тлумачыць гэта неабходнасцю догляду за хворым бацькам і падаўжэннем пашпартоў — свайго і дзяцей. Пры гэтым, паводле яе словаў, жанчына актыўна інтэгравалася ў літоўскае грамадства, вучыла літоўскую мову і атрымала сертыфікат аб валоданні ёй на ўзроўні А2.
Паводле словаў Эвеліны Гудзінскайтэ, рашэнне не падаўжаць дазвол на жыхарства Людмілы не звязана выключна з яе мінулай працай у авіякампаніі «Белавія»:
— Дэпартамент дзяржбяспекі мае свае крытэрыі. Гэта не толькі былыя месцы працы, але і цяперашнія сувязі з Беларуссю і іншыя абставіны. Гэта комплекс фактараў.
На думку Гудзінскайтэ, стратэгічныя аб’екты ў Беларусі, такія як «Белавія», прымаюць на працу толькі «лаяльных рэжыму» супрацоўнікаў.
— Калі чалавек сцвярджае, што баіцца рэжыму, але за час дзеяння дазволу на жыхарства як мінімум 20 разоў едзе ў Беларусь, гэта выклікае пытанні, — лічыць Гудзінскайтэ.
У студзені Дэпартамент міграцыі падлічыў колькасць падобных рашэнняў за ўвесь 2024 год. Тады іх было 598.
Рэлацыраваліся? Цяпер вы можаце каментаваць без верыфікацыі акаўнта.
Цешаць тыя людзі, якія ўспрымаюць гэтыя сітуацыі з пунтку гледжання, які застаўся ў 2019 годзе: "а чаму, а дзе, а што здарылася, дэмакратыя, еўрапейскія каштоўнасці!"
Пакуль мы не ўбачым адным з чыннікам гэтых сітуацый нашую расеязаванасць, нічога не будзе
Пора тебе уже латиницей писать, что бы литовцы вдруг не посчитали тебя слишком расеязаваным.
[Часть комментария скрыта за нарушение правил общения. Вот они, их всего пять: https://devby.io/news/comments-2024]
Каментарый скрыты за парушэнне правілаў каментавання.
Правила тут, их всего 5
Те кто ездят, те не боятся и не говорят так. Чиновник как обычно придумал чушь для красного словца. Там уже и так основные компании "усохли", удачи им заработать на налогах с IT с таким подходом.
А с другой стороны и хорошо, все меньше беларусов будут платить налоги в балтийский [Часть комментария скрыта за нарушение правил общения. Вот они, их всего пять: https://devby.io/news/comments-2024]
у адным каментары абараняеш "беглых" і цытуеш расейскага тэрарыста) што ты такое?)