У Беларусі будуць стымуляваць укараненне прамысловых робатаў
У Беларусі будуць стымуляваць укараненне прамысловых робатаў. Пра гэта піша БелТА са спасылкай на міністра эканомікі Юрыя Чабатара.
У Беларусі будуць стымуляваць укараненне прамысловых робатаў. Пра гэта піша БелТА са спасылкай на міністра эканомікі Юрыя Чабатара.
На форуме «Тэхналагічны суверэнітэт: ІТ-рэсурс для прамысловасці» на мінулым тыдні ён назваў рабатызацыю адным з галоўных фактараў павышэння тэхналагічнасці эканомікі ў новай пяцігодцы. Задачу вырашаюць па двух напрамках.
Першы — стымуляванне ўкаранення прамысловых робатаў. «Для гэтага адпаведныя паказчыкі заклалі ў галіновыя і рэгіянальныя праграмы на пяцігодку. Рэгулятарам і аблвыканкамам дадзена даручэнне ўжо да 1 сакавіка 2026 года падрыхтаваць планы мерапрыемстваў па ўкараненні робатаў», — расказаў Чабатар.
Таксама распрацоўваецца комплексная праграма для вырашэння некалькіх задач: у навукова-інавацыйнай сферы — сфарміраваць заданні навукова-тэхнічных праграм і дзяржпраграм навуковых даследаванняў па робататэхніцы, у стандартызацыі і сертыфікацыі — распрацаваць стандарты ў галіне робатабудавання, спрасціць сертыфікацыю і дэклараванне адпаведнасці для ўвезенага робататэхнічнага абсталявання, у кадравай сферы — стварыць бесперапынную вертыкаль адукацыі (школа, каледж/ВНУ, вытворчасць).
Другі напрамак — развіццё ўласнай вытворчасці робатаў і іх інжынірынгу. «Сёння ў нас фарміруюцца кампетэнцыі для вытворчасці дакладных рэдуктараў, серваправодаў, мікраэлектронікі і іншых кампанентаў, неабходных для стварэння айчыннага робата. Практыка паказала, што „жалеза“ займае ў кошце робататэхнічнай сістэмы 20-30%. Асноўнае — праграмнае забеспячэнне і веданне таго, як увязаць робата ў тэхналагічны працэс, гэта значыць інжынірынг. І гэтыя кампетэнцыі ў Беларусі ёсць», — растлумачыў Юрый Чабатар.
Развіваць гэтыя кампетэнцыі прапануецца на базе ПВТ. А ў далейшым магчыма паслядоўна развіваць айчынную вытворчасць камплектуючых, дадаў чыноўнік. Ён таксама нагадаў, што існуюць стымулы для прадпрыемстваў, якія распрацоўваюць ці ўкараняюць у свае вытворчыя працэсы робататэхніку.
У Беларусі правялі унікальную аперацыю з дапамогай кітайскага робата
У Беларусі правялі унікальную аперацыю з дапамогай кітайскага робата
У Беларусі з’явіцца другая робатызаваная вытворчасць
У Беларусі з’явіцца другая робатызаваная вытворчасць
Рэлацыраваліся? Цяпер вы можаце каментаваць без верыфікацыі акаўнта.
В Беларуси только дубинками умеют стимулировать. Может закупят нескоько китайских робоигрушек на пультах и будут демонстрировать проверяющим.
Пусть сперва научатся хотя бы велосипеды делать, а потом уже за роботов берутся :)))
Главное - сделать роботов. А роботы потом все остальное сделают. Они легко заменять кожаные мешки, котрые чота недостаточно радуются стабильности))
планируется ли внедрение промышленных роботов-президентов?