У Беларусі хочуць увесці дадатковы падатак для тых, хто зарабляе шмат грошаў

Па яго словах, аснова эканамічнай палітыкі Беларусі — сацыяльная справядлівасць, а прыярытэт уладаў — павышаць якасць жыцця і абараняць насельніцтва. Гэта адлюстроўваецца ў структуры дзяржвыдаткаў, у якіх значную долю складае падтрымка дабрабыту грамадства. Пры гэтым каля 70% даходаў бюджэту забяспечваюць падатковыя паступленні.

Таму ў бліжэйшы час плануецца рэалізаваць новаўвядзенні для грамадзян, «якія маюць даходы, якія перавышаюць не проста сярэдні ўзровень заработнай платы па краіне, а па нашых мерках высокія даходы». Для беларусаў, якія зарабляюць больш за пэўную суму, прапануецца ўвесці дадатковую стаўку падатку. Памер сумы і стаўкі не ўдакладняецца.

Таксама ідзе гаворка пра ўзмацненне падаткаабкладання ўладальнікаў кватэр і дамоў, калі плошча нерухомасці перавышае «у нашым разуменні сярэднія параметры», сказаў чыноўнік. Акрамя гэтага, будуць выраўноўвацца стаўкі транспартнага падатку для ІП і юрасоб, таму што калі яны займаюцца аднолькавай дзейнасцю, то ўмовы павінны быць роўныя.