Начальнік галоўнага ўпраўлення ДАІ МУС Віктар Ротчанкаў распавёў у эфіры СТВ, што ў Беларусі зарэгістравана 54 тысячы электрамабіляў. Але ёсць праблема з зараднымі станцыямі: напрыклад, у шчыльнай жылой забудове людзі часам паркуюцца на месцах зарадкі, не даючы іншым зарадзіць машыну.
Начальнік галоўнага ўпраўлення ДАІ МУС Віктар Ротчанкаў распавёў у эфіры СТВ, што ў Беларусі зарэгістравана 54 тысячы электрамабіляў. Але ёсць праблема з зараднымі станцыямі: напрыклад, у шчыльнай жылой забудове людзі часам паркуюцца на месцах зарадкі, не даючы іншым зарадзіць машыну.
«Сёння ідзе абсталяванне новых электрастанцый не толькі на паркоўках, яны з’яўляюцца ў спецыяльна адведзеных новых месцах. Так, гэта рабіць складаней, выдаткоўваецца больш грошай. … Там запатрабуецца іншая інфраструктура, і пешаходная даступнасць, і шэраг іншых момантаў», — распавёў ён. І дадаў, што пытанне вырашаецца, але «тэмпы пакідаюць жадаць лепшага».
Аб будаўніцтве асобных комплексаў таксама распавёў начальнік кіравання «Маланкі» Павел Кеўліч. «Будуць комплексы, якія будуць вынесены. Гэта будзе асобны комплекс па зарадцы. Тэхналогіі рухаюцца ў гэты бок. Зарадкі, ёмістасць батарэі павялічваецца, хуткасць зарадкі змяншаецца. Таму мы прагназуем, што з года 2028-га мы будзем будаваць толькі хабы», — сказаў Кевліч.
Першы намеснік міністра прамысловасці Андрэй Канюшка дадаў, што ў Беларусі гатовыя вырабляць не толькі хабы ў аб’ёме, каб рэалізаваць усе планы, але і электрамабілі.
З 10 сакавіка дзве беларускія сеткі зарадак павысілі цэны — «Маланка» і forevo. У першай павольная зарадка будзе каштаваць 55 капеек за кВт⋅г замест 49, хуткая — 73 капейкі замест 65. У другой новыя расцэнкі — 55 і 73 капейкі адпаведна.
Рэлацыраваліся? Цяпер вы можаце каментаваць без верыфікацыі акаўнта.