У Беларусі расце папулярнасць электракараў: іх ужо больш за 51 тысячу. Гэта павялічвае нагрузку на зарадныя станцыі і патрабуе развіцця адпаведнай інфраструктуры, паведаміў у эфіры СТБ міністр энергетыкі Дзяніс Мароз.
У Беларусі расце папулярнасць электракараў: іх ужо больш за 51 тысячу. Гэта павялічвае нагрузку на зарадныя станцыі і патрабуе развіцця адпаведнай інфраструктуры, паведаміў у эфіры СТБ міністр энергетыкі Дзяніс Мароз.
Па яго словах, зараз у краіне каля 2100 зарадных станцый, але выбуховы рост колькасці электрамабіляў месцамі прыводзіць да перагрузак. У мінулым годзе ўлады вырашылі дадаць яшчэ аднаго нацыянальнага аператара, які таксама будзе развіваць электразарадную інфраструктуру.
«Урадам пастаўлена амбіцыйная задача — кратна павялічыць колькасць электрамабіляў у краіне да 2030 года. Для рэалізацыі гэтай задачы неабходна павялічыць колькасць зарадных станцый як мінімум на 16 тысяч адзінак да 2030 года», — заявіў чыноўнік.
Па яго словах, у гэтай пяцігодцы таксама павялічыцца аб’ём рэканструкцыі электрасетак. Па плане — у 1,5 разы.
Агульнае спажыванне электраэнергіі ў Беларусі дасягнула 43 млрд кВт⋅г.
Рэлацыраваліся? Цяпер вы можаце каментаваць без верыфікацыі акаўнта.