Аператар зарадных станцый BatteryFly адкрыў аўташколу BatteryFly Drive School у Мінску. Тут будуць рыхтаваць і тых, хто яшчэ не здаваў на правы, і тых, хто ўмее ездзіць, але хоча адаптавацца да электракараў, паведамляе Onliner.
Аператар зарадных станцый BatteryFly адкрыў аўташколу BatteryFly Drive School у Мінску. Тут будуць рыхтаваць і тых, хто яшчэ не здаваў на правы, і тых, хто ўмее ездзіць, але хоча адаптавацца да электракараў, паведамляе Onliner.
У аўташколе рыхтуюць кіроўцаў катэгорыі B. На тэорыю вылучана 170 гадзін, на практыку — 50. Навучанне адбываецца паралельна. Яшчэ 4 гадзіны будуць вучыць разбірацца ў зарадках, канектарах і рэжыме рэкуперацыі.
Навучанне праходзіць на новых электрамабілях BYD e2 з аўтаматычнай каробкай перадач.
Навучальны цэнтр знаходзіцца ў бізнес-цэнтры «Тытан» на праспекце Дзяржынскага, аўтадром — каля станцыі метро «Кунцаўшчына». Вучыцца можна днём, вечарам ці па выходных. Першая група стартуе ў канцы лютага, для паступлення трэба запісацца на сайце ці па тэлефоне, сабраць стандартны набор дакументаў і заключыць дамову.
Для тых, хто раней атрымліваў правы, прадугледжаны заняткі для аднаўлення навыкаў кіравання і адаптацыі да «электрычкі». Гадзіна падрыхтоўкі каштуе 70 рублёў, паўтары — 100 рублёў. Выпускнікам бонусам дораць сертыфікат на 5000 км (1000 кВт⋅г) бясплатнай зарадкі электрамабіля.
Рэлацыраваліся? Цяпер вы можаце каментаваць без верыфікацыі акаўнта.
Как эти люди потом будут на механике ездить?
Фиг с ним водить. Как они будут на механике экзамен сдавать?