Алеся Чапкевич bel 10 кастрычніка 2025, 15:36

У Беларусі зноў збояць некалькі банкаў

Чытачы Office Life сутыкнуліся з праблемамі ў працы банкаўскіх праграм. Гаворка ідзе пра Сбербанк і Прыёрбанк.

У кліентаў Сбера не атрымліваецца ўвайсці ў акаўнты праз мабільную аплікацыю і праз сайт — адлюстроўваецца збой у сетцы альбо сэрвіс часова недаступны. Банкаўскі чат-бот кажа, што недаступны «з-за высокай нагрузкі на Цэнтр кліенцкай падтрымкі». Карыстальнікі Прыёрбанка пры спробе ўвайсці ў праграму бачаць паведамленне пра тое, што аўтарызацыя недаступная.

У Сберы выданню растлумачылі перабоі ў сэрвісах «тэрміновымі тэхнічнымі работамі». У Прыёрбанку пацвердзілі, што мабільная аплікацыя «можа працаваць з запавольваннямі», але запэўнілі, што імкнуцца як мага хутчэй яе стабілізаваць.

У ліпені адначасовы збой адбыўся ў Беларусбанка, Белаграпрамбанка і Белінвестбанка. З-за праблем у беларускай карткавай сістэме ў іх кліентаў з рахункаў зніклі грошы, а некаторыя наогул сышлі ў мінус.