У ChatGPT з'явіцца рэклама, мяркуючы па ўсім

Па звестках былога рэдактара The Verge Алекса Хіта, дырэктар па аплікацыях OpenAI Фіджы Сімо праводзіць сустрэчы з кандыдатамі на пасаду кіраўніка новага аддзела, задачай якога будзе «размяшчэнне рэкламы ў ChatGPT». Ён будзе курыраваць манетызацыю ў кампаніі, уключаючы падпіскі і рэкламу.

На сайце OpenAI таксама з’явілася вакансія для інжынера па ўкараненні маркетынгавых інструментаў і інтэграцыі «з асноўнымі рэкламнымі платформамі». Ён будзе працаваць з «новай камандай» па развіцці ChatGPT.

Сімо далучылася да OpenAI ў маі. Да гэтага яна працавала ў Facebook і займала пасаду выканаўчага дырэктара Instacart.

У сакавіку генеральны дырэктар OpenAI Сэм Альтман казаў, што аддаў бы перавагу пашырэнню бізнесу без рэкламы і задаволены аб’ёмамі продажаў падпісак. У верасні The Information пісаў, што кампанія мае намер павялічыць выручку ад карыстальнікаў без падпісак, але якімі спосабамі, не ўдакладнялася.