Аддзел навін world 12 мая 2025, 10:34

У OpenAI з’явілася новая CEO. Яна з Facebook

Былая топ-менеджарка Facebook Фіджы Сіма ўзначаліць напрамак распрацоўкі аплікацый у OpenAI. Пра гэта ў X паведаміў гендырэктар кампаніі Сэм Альтман.

0 каментарый

У OpenAI з’явілася новая CEO. Яна з Facebook

Былая топ-менеджарка Facebook Фіджы Сіма ўзначаліць напрамак распрацоўкі аплікацый у OpenAI. Пра гэта ў X паведаміў гендырэктар кампаніі Сэм Альтман.

Пасада Сіма афіцыйна гучыць як «ceo of applications». Пры гэтым Альтман застанецца ў ролі СЕO ўсёй OpenAI, а Сіма будзе падпарадкоўвацца яму. Увядзенне новай ролі дазволіць яму «засяродзіцца на даследаваннях, вылічальных магутнасцях і бяспецы» ШІ.

so excited that @fidjissimo is joining openai in a new role: ceo of applications, reporting to me.

i’ll remain ceo of openai, but in this new configuration i’ll be able to increase my focus on research, compute, and safety.

these are critical as we approach superintelligence.
— Sam Altman (@sama) May 8, 2025

Сіма больш за дзесяць гадоў працавала ў Facebook, дзе з 2019 года кіравала аплікацыяй сацсеткі і курыравала функцыянал, які дапамог пабудаваць рэкламны бізнес кампаніі. Цяпер яна займае пасаду гендырэктара сэрвісу дастаўкі Instacart. Пад яе кіраўніцтвам ён выйшаў на IPO.

З мінулага года Сіма ўваходзіць у раду дырэктараў OpenAI, якая, дарэчы, таксама рыхтуецца да выхаду на біржу і вядзе перамовы з Microsoft пра перагляд стратэгічнага партнёрства ў сувязі з гэтым. Тым не менш, у найбліжэйшыя некалькі месяцаў яна працягне працу ў Instacart, пакуль кампанія не знойдзе пераемніка.

Аплікацыі з’яўляюцца важнай часткай бізнесу OpenAI. Так, аплікацыя ChatGPT даступнае на iOS, Android, Windows і macOS. Акрамя таго, OpenAI распрацоўвае фірмовы аналаг X.