У снежні ў Эстоніі быў ухвалены законапраект аб падатку на азартныя гульні. Адна друкарская памылка ў ім прывяла да адмены падаткаабкладання для анлайн-казіно, паведамляе Эстонская нацыянальная тэлерадыёвяшчальная карпарацыя ERR.
У снежні ў Эстоніі быў ухвалены законапраект аб падатку на азартныя гульні. Адна друкарская памылка ў ім прывяла да адмены падаткаабкладання для анлайн-казіно, паведамляе Эстонская нацыянальная тэлерадыёвяшчальная карпарацыя ERR.
«Азартныя гульні і дыстанцыйныя азартныя гульні выпалі з падаткаабкладання гэтага года, гэта значыць тыя казіно-гульні, якія вядуцца праз інтэрнэт, у гэтым годзе не абкладаюцца падаткам», — сказаў член фінансавай камісіі Айвар Кокк.
Першапачатковай мэтай было паэтапна знізіць стаўку з 6% да 4%. Але ў тэксце закона пры змяненні фармулёўкі памылкова пакінулі толькі «osavusmäng» (гульні, у якіх вынік залежыць ад навыкаў гульца) без згадвання «кaughasartmäng» (анлайн-азартных гульняў). Апошнія аказаліся цалкам вызваленыя ад падатку на 2026 год, які павінен быў скласці 5,5%. Памылку заўважыў юрыст адной з кампаній у сферы азартных гульняў ужо пасля ўступлення закона ў сілу.
Некаторыя эстонскія партыі раскрытыкавалі кіруючую кааліцыю і абвінавацілі яе ў непрафесіяналізме і лабізме інтарэсаў анлайн-казіно. Па ацэнках апазіцыі, з-за памылкі бюджэт можа недаатрымаць да €22 млн у 2026 годзе. Улады плануюць аператыўна выправіць закон на працягу месяца, але нават у гэтым выпадку страты бюджэту складуць каля €10 млн. Падатак на азартныя гульні ў Эстоніі мэтавы, і грошы недаатрымаюць культура, спорт і сацыяльная сфера.
Кансерватары з EKRE называюць закон карупцыйным і патрабуюць расследавання. Сацыял-дэмакраты кажуць пра «падатковы цырк» і ўказваюць на рызыкі адмывання грошай. Цэнтрысты абвінавачваюць урад у халатнасці, фанабэрыі і сыходзе ад адказнасці, падкрэсліваючы, што за памылку будуць расплочвацца звычайныя людзі.
Релоцировались? Теперь вы можете комментировать без верификации аккаунта.
Случайности не случайны. У каждой ошибки есть фамилия, имя и отчество