У Instagram цяпер можна дзяліцца стужкай рылсаў з сябрамі

Blend — гэта кастамізаваная стужка Reels, якая фармуецца на падставе пераваг удзельнікаў чата ў асабістых паведамленнях. Каб стварыць Blend, карыстальніку трэба адкрыць асабісты або групавы чат і націснуць на новы значок Blend, размешчаны ў верхняй частцы экрана.

Пасля гэтага неабходна выбраць опцыю «Запрасіць», каб адправіць запрашэнні ўдзельнікам чата далучыцца да «Агульнага міксу». Мікс будзе створаны, як толькі хаця б адзін чалавек прыме запрашэнне. Рэкамендаваныя відэа Reels будуць аўтаматычна дадавацца ў агульны мікс чата пасля таго, як кожны ўдзельнік прыме запрашэнне.

Ідэя Blend заключаецца ў тым, каб «даследаваць, якія рылсы падабаюцца сябрам, разам адкрываць новы кантэнт і падтрымліваць зносіны», заяўляе сацсетка. Калі нехта з удзельнікаў групы рэагуе на рылс у Blend, Instagram апавяшчае астатніх, што дазваляе працягваць абмеркаванне ў чаце.