У каліфарнійскім офісе Microsoft памёр распрацоўшчык. Сям'я кажа, што ён шмат овертайміў

Пандэй прыйшоў у офіс увечары 19 жніўня і праз некалькі гадзін быў знойдзены мёртвым. Паліцыя прыехала на выклік каля 2 гадзін ночы, нічога падазронага на месцы здарэння не выявілі. Паводле слоў сям'і айцішніка, ён часта працаваў да позняй ночы.

Прычына смерці пакуль не ўсталявана. Крыніцы выдання кажуць, што кампанія дагэтуль праводзіць расследаванне. Там адмовіліся ад каментароў.

У Microsoft Пандэй працаваў над платформай аналітыкі дадзеных Fabric. У кампанію ён уладкаваўся ў 2020 годзе, да гэтага працаваў у Walmart і Apple, скончыў Універсітэт штата Каліфорнія ў Сан-Хасэ. Сям’я спрабуе вярнуць цела Пандэя дадому ў Індыю, дзе жывуць яго бацькі.