world 30 верасня 2025, 11:11

У Казахстана цяпер ёсць стартап-«адзінарог». А ў Беларусі іх няма

Казахскі стартап Higgsfield AI дасягнуў ацэнкі ў $1 млрд і стаў першым у краіне «адзінарогам». Пра гэта піша партал з спасылкай на кофаўндара кампаніі і былога кіраўніка аддзела генератыўнага ШІ ў Snap Inc. Алекса Машрабава.

1 каментарый

У Казахстана цяпер ёсць стартап-«адзінарог». А ў Беларусі іх няма

Казахскі стартап Higgsfield AI дасягнуў ацэнкі ў $1 млрд і стаў першым у краіне «адзінарогам». Пра гэта піша партал з спасылкай на кофаўндара кампаніі і былога кіраўніка аддзела генератыўнага ШІ ў Snap Inc. Алекса Машрабава.

Па яго словах, свой статус Higgsfield AI атрымаў нечакана — «апошнія 15 гадоў ніхто ў краіне гэтага не мог дасягнуць». Стартап з’яўляецца адным з самых хутка растучых у свеце, у яго ўклаліся вядучыя фонды, уключаючы Menlo Ventures, якія таксама інвеставалі ў Anthropic.

Higgsfield AI — гэта платформа для генерацыі кароткіх відэа рознага фармату. Стартап ставіць мэтай знізіць планку ўваходу ў сферу генератыўнага ШІ.

Ён быў заснаваны ў 2023 годзе і на сённяшні дзень прыцягнуў мільёны актыўных карыстальнікаў з розных краін, сярод якіх — вядомыя акцёры, музыканты, спартсмены і буйныя брэнды. Да канца лета праект атрымаў $16 млн інвестыцый, а ў верасні правёў раўнд на $50 млн.

Нядаўна Higgsfield AI адмовіўся ад угоды з Meta, якая ацаніла яго ў некалькі соцень мільёнаў даляраў. Каманда вырашыла развівацца самастойна, захоўваючы незалежнасць і маштабуючы бізнес.

У Беларусі таксама быў свой айцішны «адзінарог». Ім стаў сэрвіс для аўтаматызацыі дакументаабароту PandaDoc у верасні 2021 года. Да лютага 2022-га каманда цалкам ліквідавала юрасобу ў краіне.

У ліпені 2024 года статус «адзінарога» таксама атрымаў Flo, які базуецца ў Вялікабрытаніі, але каранямі сыходзіць у Беларусь.

Зараз ПВТ спрабуе актыўна развіваць стартап-рух у краіне. І ставіць амбіцыйную мэту вырасціць «адзінарогаў» сусветнага ўзроўню.