У Літве беларусаў з ДНЖ стала за мінулы год амаль на 5 тысяч менш
У Літве за мінулы год скарацілася колькасць замежнікаў, якія маюць дазвол на жыхарства (любы тып). Беларусы ў гэтым спісе занялі другое месца пасля ўкраінцаў. Пра гэта сведчыць статыстыка Дэпартамента міграцыі Літвы.
Паводле звестак ведамства, на пачатку 2025 года ў Літве пражывала 57 511 грамадзян Беларусі, якія маюць дазвол на жыхарства. Гэта на 7,5%, або на 4,6+ тысячы чалавек, менш, чым на пачатку 2024 года.
Яшчэ на пачатку кастрычніка 2024 года ў Літве пражывала больш за 61 тысячу беларусаў з ДНЖ. Але за апошні квартал іх колькасць рэзка скарацілася — у асноўным за кошт тых, хто мае часовы дазвол на жыхарства. Калі на пачатку кастрычніка беларусаў з часовым дазволам на жыхарства ў Літве было амаль 57,5 тысячы, то на пачатку студзеня гэтага года — ужо 53,5 тысячы.
Беларусы ў Літве:
- 53 528 часовых дазволаў на жыхарства;
- 3 773 пастаянных дазволаў на жыхарства;
- 137 часовых карт рэзідэнта ЕС;
- 73 карты пастаяннага рэзідэнта ЕС.
Беларусы засталіся на другім месцы сярод замежнікаў, якія маюць ДНЖ у Літве. На першым месцы ўкраінцы — 77+ тыс. За мінулы год іх колькасць скарацілася яшчэ больш, чым беларусаў (мінус 9,2 тыс. чалавек). На трэцім месцы расійцы — амаль 15 тыс. чалавек (мінус 0,9 тыс. за год).
Усяго на пачатку студзеня 2025 года ў Літве пражывала амаль 218 тысяч замежнікаў, якія маюць ДНЖ. За мінулы год іх колькасць скарацілася амаль на 2%, або на 4 тыс. чалавек.
Читать на dev.by