Ноччу ў Мінску ўпаў беспілотнік: што ўжо вядома

Факт крушэння БПЛА ўжо пацвердзіла Мінабароны. Пацярпелых няма. «Прымаюцца дадатковыя меры па ўзмацненні кантролю за выкарыстаннем паветранай прасторы. Па гэтым факце праводзіцца праверка», — адзначылі ў Мінабароне, падкрэсліўшы, што «сітуацыю трымае на асабістым кантролі» Аляксандр Лукашэнка.

Паводле інфармацыі праваабаронцаў, побач з домам № 72 на сталічнай вуліцы Матусевіча былі затрыманні, але сілавікі абвяргаюць гэту інфармацыю.

Прэс-служба Следчага камітэта таксама паведаміла, што беспілотнік быў начынены тратылам і вялікай колькасцю паражаючых элементаў.

«На месцы здарэння працавала следча-аператыўная група. Следчым з прыцягненнем спецыялістаў ДКСЭ і сапёраў праведзены агляд. Канфіскаваны фрагменты корпуса і крылаў БПЛА, рухавік, прыборы навігацыі і баявая частка, забяспечаная тратылам і вялікай колькасцю паражаючых элементаў у выглядзе металічных шарыкаў.
Эвакуацыя жыхароў не праводзілася. Узбуджана крымінальная справа», — паведамілі ў СК.

Расійскія беспілотнікі перыядычна залятаюць у Беларусь.

Калі вы жадаеце падзяліцца інфармацыяй або меркаваннем, калі ласка, напішыце нам старонку кантактаў старонку кантактаў.