За першую палову 2025 года афіцыйна, гэта значыць па працоўным дагаворы праз ліцэнзаванае ў Беларусі кадравае агенцтва, працаваць за мяжу паехалі 1,4 тысячы беларусаў — значна менш, чым за такі ж перыяд 2024 года. Гэта вынікае са статыстыкі, якую выклаў МУС. Афіцыйны адток працоўнага насельніцтва зніжаецца ўжо другі год.
За першую палову 2025 года афіцыйна, гэта значыць па працоўным дагаворы праз ліцэнзаванае ў Беларусі кадравае агенцтва, працаваць за мяжу паехалі 1,4 тысячы беларусаў — значна менш, чым за такі ж перыяд 2024 года. Гэта вынікае са статыстыкі, якую выклаў МУС. Афіцыйны адток працоўнага насельніцтва зніжаецца ўжо другі год.
Колькасць працоўных мігрантаў з Беларусі сумарна ў краіны Еўрасаюза аказалася большай, чым у Расію. Але Расія лідзіруе сярод асобных — за студзень–чэрвень туды паехалі 574 чалавекі.
Таксама ў топ-5 папулярных у беларусаў напрамкаў трапілі Польшча (455), Германія (163), ЗША (131) і Карэя (26) — якая, не ўдакладняецца. Беларусы практычна перасталі афіцыйна ехаць на працу ў Літву — за паўгода быў толькі 1 такі выпадак, але вырасла колькасць працаўладкаванняў у арабскіх краінах, такіх як ААЭ і Катар.
Па прафесійным складзе большасць з’ехаўшых спецыялістаў — з рабочымі спецыяльнасцямі (938), на другім месцы ідуць работнікі сферы абслугоўвання і гандлю (394), за імі — кваліфікаваныя спецыялісты (39).
Як адзначае Office Life, афіцыйнае працаўладкаванне праз беларускія агенцтвы складае вельмі невялікую частку замежнага рынку працы для беларусаў. Па дадзеных Белстата, у 2022 годзе за мяжой працавалі 95 тысяч беларусаў, з іх 60% — у Расіі. З улікам неафіцыйнага працаўладкавання гэтая лічба можа быць значна вышэйшай.
Рэлацыраваліся? Цяпер вы можаце каментаваць без верыфікацыі акаўнта.