У палове ІТ-вакансій у ЗША патрабуюць навыкі штучнага інтэлекту. Год таму было ўдвая менш
Dice выпусціў справаздачу аб стане рынку працы ў амерыканскай ІТ-сферы. Адзначаецца, што да пачатку кастрычніка веданне ШІ і машыннага навучання наймальнікі запытвалі ў саіскальнікаў у 50% вакансій. Месяцам раней было 47%, а за год прырост склаў 98%.
Дадзеныя кажуць пра тое, што кампаніі не проста эксперыментуюць з ШІ, а шчыльна інтэгруюць тэхналогію як важны кампанент інфраструктуры. Аналітыкі раяць улічваць гэта пры планаванні кар’еры ў 2026 годзе.
Колькасць вакансій у верасні вырасла на 12,9% у параўнанні са жніўнем, і гэта адзін з найбуйнейшых прыростаў за бягучы год. Хаця ў параўнанні з вераснем 2024-га паказчык упаў на 2,5%.
Даследаванне праводзілася на аснове 7+ млн айцішных вакансій у ЗША, сабраных аналітычнай кампаніяй Lightcast, незалежна ад Бюро статыстыкі працы пры Мінпрацы ЗША.
Читать на dev.by