world 4 верасня 2025, 13:49

У Расіі падае попыт на айцішнікаў, на праграмістаў — хутчэй сярэдняга

У Расіі ўпершыню за тры гады рэзка скараціўся попыт на ІТ-спецыялістаў, піша CNews. У першым паўгоддзі вакансій у краіне для іх стала на 20% менш.

Пакінуць каментарый

У Расіі падае попыт на айцішнікаў, на праграмістаў — хутчэй сярэдняга

У Расіі ўпершыню за тры гады рэзка скараціўся попыт на ІТ-спецыялістаў, піша CNews. У першым паўгоддзі вакансій у краіне для іх стала на 20% менш.

За ўказаны перыяд была адкрыта 291 тысяча ІТ-вакансій супраць 352,5 тысячы годам раней. Больш за ўсіх пацярпелі праграмісты. Калі год таму для іх было 90,1 тысячы вакансій, то цяпер — 62,5 тысячы. Скарачэнне попыту на іх аказалася вышэй за сярэдні.

«Ведомости» пішуць, што ёсць адна сфера, у якой колькасць вакансій у першай палове года ўзляцела — гэта робататэхніка. Запатрабаванасць распрацоўшчыкаў софта для робатаў, паводле дадзеных джобборда hh.ru, павялічылася на 72%.

За паўгоддзе расійскія кампаніі ў сферы робататэхнікі размясцілі 5,3 тысячы вакансій, за ўвесь 2024-ы было апублікавана 9 тысяч, а за ўвесь 2023-і — 6,9 тысячы. Таксама адзначаецца, што зарплатныя прапановы для спецыялістаў па робататэхніцы растуць незалежна ад досведу працы.