У Польшчы рыхтуюць закон пра анлайн-падачу на ДНЖ і пашырэнне «плюшак» Blue card

Калі парламент прыме прапанаваныя папраўкі, зменіцца спосаб падачы дакументаў на часовы і пастаянны ДНЖ, а таксама на карту рэзідэнта ЕС. Заяву можна будзе падаваць анлайн.

Аднак наведваць упраўленне асабіста ўсё ж прыйдзецца — каб здаць адбіткі пальцаў і паказаць арыгіналы дакументаў. Замест штампа ў пашпарце, які пацвярджае падачу на ДНЖ, будзе выдавацца спецыяльная даведка.

Акрамя таго, плануецца павялічыць тэрмін дзеяння дакументаў, якія выдаюцца асобам, што маюць у Польшчы міжнародную абарону.

Уладальнікі «блакітнай карты ЕС» будуць мець права на вядзенне бізнэсу — на тых жа ўмовах, што і грамадзяне Польшчы.