Паводле свежых дадзеных Галоўнага статыстычнага ўпраўлення (GUS) Польшчы, колькасць замежнікаў, якія працуюць тут, стабільна расце. На канец чэрвеня 2025 года на польскім рынку працы іх было 1 099,5 тысяч — на 6,5% больш, чым годам раней.
Паводле свежых дадзеных Галоўнага статыстычнага ўпраўлення (GUS) Польшчы, колькасць замежнікаў, якія працуюць тут, стабільна расце. На канец чэрвеня 2025 года на польскім рынку працы іх было 1 099,5 тысяч — на 6,5% больш, чым годам раней.
Доля замежнікаў сярод усіх працуючых у Польшчы на канец чэрвеня складала 6,6%. Самая шматлікая група — украінцы. Іх налічвалася 735,1 тысячы чалавек, гэта значыць амаль 67% усіх замежнікаў.
Грамадзяне Беларусі складалі каля 10,8% усіх замежных работнікаў у Польшчы. Гэта прыкладна 119 тысяч чалавек.
На трэцім месцы знаходзяцца грузіны 2,3%, далей — грамадзяне Індыі (2%), Калумбіі (1,6%) і Філіпін (1,4%).
У Польшчы набіраюць папулярнасць дагаворы падраду. Сярод замежнікаў, на аснове іх або аналагічных формаў супрацоўніцтва працавалі 422,2 тысячы чалавек. Гэта на 7,1% больш, чым у чэрвені 2024 года.
Рэлацыраваліся? Цяпер вы можаце каментаваць без верыфікацыі акаўнта.