Алеся Чапкевич bel 4 лютага 2026, 14:13

У польскім сацстраху зарэгістравана амаль 139 тысяч беларусаў

Па стане на 31 снежня 2025 года ў польскай сістэме сацыяльнага страхавання (ZUS) лічылася 138 730 грамадзян Беларусі.

Гэта амаль на 4 тысячы больш, чым годам раней — тады было 134 873. Але менш у параўнанні з дадзенымі на 30 лістапада, калі ў сістэме значылася 139 024 беларускіх грамадзян.

89 203 беларусаў працуюць па працоўных дагаворах, 37 628 — па дагаворах падраду, яшчэ 13 141 беларус займаюцца прадпрымальніцкай дзейнасцю. Усе тры паказчыкі за год выраслі.

Больш за ўсё беларусаў зараз у Мазавецкім ваяводстве, куды ўваходзіць Варшава (53,3 тысячы), Велікапольскім (14 тысяч) і Падляскім (13,3 тысячы).

Усяго ў ZUS зарэгістравана амаль 1,29 млн замежнікаў. Беларусы ідуць на 2 месцы пасля ўкраінцаў — іх налічваецца 857 тысяч.