У Польшчы ўжо жыве 68+ тыс. беларусаў. За 2 месяцы выдалі 12 тыс. віз PBH
«Цэнтр Беларускай Салідарнасці» падзяліўся свежымі данымі пра колькасць беларусаў, якія пражываюць у Польшчы.
Паводле даных на 30 лістапада 2022, года ў Польшчы пражывала 68 684 грамадзян Беларусі. У гэты лік уваходзяць людзі, якія атрымалі на тэрыторыі Польшчы дакумент з правам на знаходжанне ў краіне (ПМЖ, ВНЖ, статус уцекача і да т. п.).
Папярэднія даныя датаваліся 30 верасня 2022 года. І тады ў Польшчы пастаянна пражывалі 59 327 грамадзян Беларусі. Гэта значыць, за два месяцы іх стала больш амаль на 10 тыс.
Паводле апошніх звестак, візы PBH атрымалі 65 327 грамадзян Беларусі (+11 813 за два месяцы), а гуманітарныя візы — 46 438 (+6729 за два месяцы).
Ва ўніверсітэтах Польшчы вучацца 9022 студэнты з Беларусі.
Пасля 24 лютага з тэрыторыі Украіны ў Польшчу заехалі 9514 беларусаў.
Читать на dev.by